MY JESUS

தமிழ் பாடல்கள்

183
எந்நாளுமே துதிப்பாய் என்னாத்துமாவே நீ
எந்நாளுமே துதிப்பாய்

இந்நாள் வரையிலே உன்னதனார் செய்த
எண்ணில்லா நன்மைகள் யாவு மறவாது

பாவங்கள் எத்தனையோ நினையாதிருந்தாருன்
பாவங்கள் எத்தனையோ
பாழான நோயை அகற்றிக் குணமாக்கி
பாரினில் வைத்த மகா தயவை எண்ணி

எத்தனையோ கிருபை உன்னுயிர்க்கு செய்தாரே
எத்தனையோ கிருபை
நித்தமுனை முடி சூட்டினதுமன்றி
நேயமதாக வேஜீவனை மீட்டதால்

நன்மையாலுன் வாயை நிறைத்தாரே பூர்த்தியாய்
நன்மையாலுன் வாயை
உன் வயது கழுகைப் போல் பலங் கொண்டு
ஓங்கு இளமைபோ லாகவே செய்ததால்

பூமிக்கும் வானத்துக்கும் உள்ள தூரம்போலவே
பூமிக்கும் வானத்துக்கும்
சாமி பயமுள்ளவர் மேல் அவர் அருள்
சாலவும் தங்குமே சத்திய மேயிது

மன்னிப்பு மாட்சிமையாம் மாதேவனருளும்
மன்னிப்பு மாட்சிமையாம்
எண்ணுவாயோ கிழக்கு மேற்கின் தூரமே
எண்ணில் உன்பாவம் அகன்றதத் தூரமே

தந்தை தன் பிள்ளைகட்கு தயவோ டிரங்கானோ
தந்தை தன் பிள்ளைகட்கு
எந்த வேளையோடும் அவரோடு தங்கினால்
சொந்தம் பாராட்டியே தூக்கி சுமப்பாரே