MY JESUS

தமிழ் பாடல்கள்

193
சரணம் சரணாம் அனந்தா சச்சிதானந்தா
தாவீதின் மைந்தா ஓசன்னா சரணபதந்தா

தேவசுதன் பொந்தியுப் பிலாத்தினிடமே
சென்று பல பாடுபடவும் தயவானார்

பரபாசோடதிபதியை பணிய நிறுத்தி
பாதகனை யோ இறையை யோ விட என்றான்

ஜீவனுட அதிபதியைச் சிலுவையில் கொன்று
திருடனையே விட்டுவிட தீயவர் கேட்டார்

பித்தன் என்று வெள்ளை அரைச் சட்டை அணிந்து
பேதக ஏரோதே பரி காசம்பண்ணினான்

கற்றூணில் சேர்த்திறுகக் கட்டி வலுவாய்
காவலன் தன் சேர்வை எல்லாம் கூடி அளித்தார்

முள்ளின் முடி செய்தழுத்தி வள்ளல் எனவே
மூர்க்க முடனே தடிகொண் டார்க்க அடித்தார்

கையினில் செங்கோலதென்று மூங்கில் ஒன்றிட்டு
காவலன் நீ யூதருக்கென் றோவியஞ் சொன்னார்

துப்பினர் முகத்தினில் அதிக்கிரமமாய்
துன்னிய கைக்கோலை வாங்கி சென்னியில் போட்டார்

முழங்காலில் இருந்து தெண்டன் பண்ணியே
முன்னவனைத்தான் இறைஞ்சி கன்னத்தறைந்தார்