MY JESUS

தமிழ் பாடல்கள்

23
வழி நடத்தும் வல்ல தேவன்
வாழ்வில் நாயகனே
வாழ்வில் நாயகனே நம் தாழ்வில் நாயகனே

பரதேசப் ப்ரயாணிகளே நாம் வாழும் பாரினிலே
பரமானந்தத்தோடே செல்வோம்
பரமன் நாட்டினிற்கே - இயேசு
பரன் தான் நம்முடனே

அந்தகார சக்திகள் நமை அணுகிடாமலே
சொந்தமான தம் ஜனத்தை
சூழ்ந்து காப்பாரே - இயேசு
துணையாய் நிற்பாரே

வாதை நோய்கள் வன் துன்பங்கள் வருத்திய போதும்
பாதையில் நாம் சோர்ந்திடாமல்
பலப்படுத்திடுவார் - இயேசு
திடப்படுத்திடுவார்

போகும் வழியைக் காட்டி நல்ல
போதனை செய்வார்
ஏகும் சுத்தர் மீது கண்கள்
இருத்தி நடத்துவார் - இயேசு
திருத்தி நடத்துவார்

காடானாலும் மேடானாலும்
கடந்து சென்றிடுவோம்
பாடானாலும் பாடிச்செல்வோம்
பரவசமுடனே - இயேசு
பரன் தான் நம்முடனே