MY JESUS

தமிழ் பாடல்கள்

91
தோத்திரம் செய்வேனே - ரட்சகனை
தோத்திரம் செய்வேனே

பாத்திரமாக்க இம்மாத்திரம் கருணை வைத்த
பார்த்திபனை யூத கோத்திரனை என்றும்

அன்னை மரி சுதனை புல் மீது
அமிழ்துக் கழுதவனை
முன்னணை மீதுற்ற சின்னக் குமாரனை
முன்னுரை நூற்படி இன்னிலத்துற்றோனை

கந்தை பொதிந்தவனை வானோர்களும்
வந்தடி பணிபவனை
மந்தையர்க் கானந்த மாட்சியளித்தோனை
வான பரன் எனும் ஞான குணவானை

செம்பொன்னுருவானை தேசிகர்கள்
தேடும் குருவானை
அம்பர மேவிய உம்பர் கணத்தோடு
அன்பு பெற நின்று பைம்பொன் மலர் தூவி